Au im 2021 het d Coronapandemie d Schwiiz fescht im Griff gha. Glichwohl het es viel z brichte geh.
Mir hend im 2021 e chli meh wie 200 Artikel für oisi Läserinne und Läser gschribe und wend oich zum Johresend en churze Überblick geh, was Wettige im 2021 bewegt het:
Januar:
De Gmeindamme het wege de Coronapandemie d Noijahraasproch online ghalte.
D Sanierig vo de Etzel-, Lägere- Bernina- und Eigerstrass mit em «Milionechreisel», wo keine isch, het aagfange.
D Füürwehr het wegem starche Schneefall innerhalb vo 24 Stund meh wie 30 Mol müesse usrücke.
En Automobilistin het en Fuesswäg mit ere Stross verwächsled und het us ere prekäre Lag müesse befreit werde.
Februar:
D Iisebrugg, wo zu de Holzbrugg füehrt, isch für d Sanierig abtransportiert worde.
D Fasnacht 2021 isch usgfalle.
S Tägi het numme schrittwiis chönne uftue.
De Rotary-Club Wettige-Heitersberg het «Happy Moments» gstarted.
März:
D Kunstschau 5430 het erscht im März chönne richtig stattfinde.
S Wettiger Fäscht 2021 isch abgsaid worde.
D Schuel bruuchd en noie Gschäftsleiter.
S St. Bernhard het en noie Gschäftsleiter.
April:
In oisem Aprilscherz behaupted mir, s Ändlager für radioaktivi Abfäll chämti uf Wettige.
Im Gluri Suter Huus werded Werk vo Kantischuelerinne und – schueler usgstellt.
De amtierend Gmeindrat git bekannt, dass alli bi de Wahle im Herbscht wider aaträte.
D Helvetic Waves, wo aktuell de Atlantik überquered, hend es 24-Stunde-Training absolviert.
SP, WettiGrüen, EVP und Forum 5430 lanciered d Initiative für es lebendigs Wettige.
S Forum 5430 teild mit, dass si bi de Iiwohnarratswahl ned werded aaträte.
Mai:
Im Schuelchreis Alteburg hets en Coronausbruch geh.
S Maislabyrinth find im 2021 statt.
Mir erinnered an es Todesurteil bieme Hexeprozess vor 405 Johr.
S Tägi cha wider ganz öffne.
E Wanderin isch nacheme Sturz vo de REGA grettet worde.
Juni:
D RVBW started mit de erschte E-Bus-Linie.
Rotwys wird Schwiizermeischter (Herre) und Vizemeischter (Dame).
S Würeloser Tbwnet-TV machd en Bricht über Wettige.
De Andrea Bova git d Kandidatur als Gmeindamme bekannt.
De SV Lägere Handball wird Cupsieger uf em Grossfäld.
Es Gwitter bringt viel Rege und e Füürwehr viel Büez.
D Brigitte Warth wird Gschäftsleiteri vo de Schuel.
Juli:
De Tag am Wasser isch wege de Pandemie abgsaid worde.
August:
Bim Rothuus wird e Ladestation für E-Autos in Betrieb gnoh.
Nebe de sibe bisherige Gmeindröt stelled sich drü witeri Kandidierendi de Wahl.
S Pfarreizentrum St. Anton öffned nach de Sanierig.
Di Reformierte verabschided ihri Pfarreri Kornelia Baumberger-Dängeli in de Ruehstand.
September:
De Iiwohnerrat lehnt de Kredit für de Erwiterigsbau vo de BEZ ab.
De Philipp Vock übechunnd de Walder-Priis 2021.
De Kanton wot de Westflügel vom Chloschter wider ufbaue.
Nach eme Brand im Schuelhuus Margeläcker hend 3 Schüeler ins Spital müesse.
11 noii werded in de Iiwohnerrat gwählt.
Oktober:
E Wanderi wird mit em Heli grettet.
S Tägi bruuchd en noie Gschäftsfüehrer.
D Isebrugg isch wider zrugg. (vgl. Februar)
WorldWideWettige het mit em erschte Aalass gstartet.
De Iiwohnerrat het innere vierstündige Sitzig s Budget bschlosse.
De Andrea Bova git us gsundheitliche Gründ sin Rücktritt us em Gmeindrat und de Verzicht bi de Ammewahl bekannt.
November:
Statt em Fondue-Chalet gits i dem Jahr im Tägi en Saloon.
S St. Bernhard und d arwo werded im noie St. Bernhard zämme d Wäscherei betriibe.
D Gnussrundi vo de reformierte Chile wird 10-jährig.
Z Ännetwettige eröffned s Fortyseven.
D Gmeindbibliothek bruuchd e noii Leiterin.
De Reblehrpfad isch noi gstaltet worde.
De Roland Kuster blibd Gmeindamme.
De Markus Haas git d Kandidatur bi de Ersatzwahl für de Gmeindrat bekannt.
Energie Wettige und s EWZ planed en Wärmeverbund.
Dezember:
D Füürwehr het es nois Pionierfahrzüüg.
D Kunstschau 5430 isch eröffned worde.
Au i dem Johr hend d Sternsinger ihri Uftritt müesse absäge.
De Iiwohnerratspräsident Christian Pauli isch verabschieded worde.