Energie Wettige (früehner EW Wettige) und s ewz hend en Kooperationsvertrag gschlosse. S Ziel isch en Wärmeverbund, wo de CO2-Usstoss vo de Heizige in de Gmeind uf es Minimum reduziert.
De erschti Schritt uf em Wäg zu de Umsetzig vom Wärmeverbund isch e Machbarkeitsstudie, mit der sell prüeft werde, welli Gebiet chönnd und selled aagschlosse werde und welli ernoierbari Energie zum Iisatz sell cho. S Ergäbnis wird im Früehlig 2022 erwartet. Im Fokus vo de Abklärig für de Energieträger isch e Kombination vo Holz und Tüfegrundwasser. Erschti Kontakt zu potentielle Ankerkunde hend scho stattgfunde und sind uf Interesse gstosse.