S Alterszentrum St. Bernhard wird im Frühjohr 2022 in de Noibau im Langäcker zügle. Das wird de Startschuss für s Zämmelege vo de Lingerie-Abteilige vo de arwo Stiftig und em St. Bernhard.
Bi de arwo Stiftig für Mönsche mit Beiträchtigung falld vil Wäsch aa und d Wäscherei bieted glichzitig gschützti Arbeitsplätz. Au im Alterszentrum St. Bernhard gits vil Wäsch. Bi beidne Institutione sind es jewils öppe einehalb Tonne pro Woche. Im Frühjohr werded beidi Abteilige zueme gmeinsame Betrieb zämeglegd und zügled in de Noibau vom Alterszentrum im Langäcker. Di bisherige Lingerie-Mitarbeiterinne vo de arwo Stiftig werded dann do ihre Arbeitsplatz ha. Das hend di beide Wettiger Institutione am 10. November 2021 ineme Kooperationsvertrag veriibart, dem en öppe eijährigi Planig vorusgange isch.