Am Mittwoch, 20. Oktober 2021 het d Veraastaltigsreihe vo WorldWideWettige aagfange. D Monika Waldis het spannendi Iiblick in ihri Arbet geh.
De Verein WorldWideWettige het sich zum Ziel gsetzt, d Kultur z Wettige z beriichere. Als erschte Gast isch Monika Waldis cho, zum vo ihre Arbet am Zentrum für Demokratie z Aarau z verzälle. D Gschicht vom Zentrum, die dra beteiligde Institutione, d Rekrutierigsproblem von de Parteie, s politisch Engagement vo Jugendliche und junge Erwachsene, d Pandemie us bsunders natürli di politisch Bildig, wo s Hauptforschigsgebiet vo de Monika Waldis isch, sind Themene vom Aalass gsi.
Ned z vergässe isch au de musikalisch Teil, wo vo einige Alphornbläser vo de Alphorngruppe Reussblick bestritte worde isch.
De nächscht Aalass isch am 17. November 2021 ab de 7i, wider bi de LägereBräu uf de Chlosterhalbinsle. D Referentin isch dann d Karin Hörhager, wo de Beriich Kommunikation und Gönner vo de REGA dued leite.