D Füürwehr het s noi PIF iigweiht

D Beschaffig vomene noie Füürwehrfahrzüüg isch nüd altäglichs und bruuchd Ziit. D Übergab vom noie Pionierfahrzüüg (PIF) isch am Samschtig, 4. Dezember 2021 gfiired worde.
Bevor d Füürwehr s noii PIF begrüesst het, isch erscht emol s alti würdig verabschieded worde, wo sit em 14. April 1993 bi de Füürwehr Wettige im Iisatz gsi isch. Es het i dere Ziit über 1’000 Iisatzfahrte gha und isch au bi unzählige Üebige im Iisatz gsi. Gfahre isch es aber numme 20’604 Kilometer, isch ja de Iisatzort nie allzu wit ewäg vom Füürwehrmagazin. Es het müesse ersetzt werde, wil es technisch veraltet gsi isch und me sich nüm het chönne druf verlah, dass es fahrt, we mes bruuchd.
Am 4. März 2019 isch i de Füürwehrkommission zum erschte Mol über d Notwendigkeit vom noie PIF berote worde und am 3. September 2020 het dann de Iiwohnerrat de Kredit fürs noi Fahrzüüg gschproche.