Initiative für es lebendigs Wettige isch lanciert worde

Uf Initiative vo SP und WettiGrüen isch hüt en Initiative für Kultur, Sport und anderi Freiziitaagebot lanciert worde. D EVP und s Forum 5430 sind au debi.

Bi de hütige Mediekonferenz vom Initiativkommitee für es lebendigs Wettige isch klar worde, um was es de Initiante goht: Si wend de ewige Spardiskussione, wo vili Verein scho schmerzhaft z spüre übecho hend, en Riegel schiebe und so es lebendigs und vielfältigs Wettige fördere. S Zil isch, in de Gmeindordnig e gsetzlichi Grundlage z schaffe, wo Biträg an Verein und Institutionen sichered. Sächs Leistige, wo bi de Budget-Diskussione, bsunders vo de SVP und de glp, immer wider aber au vo de FDP und de CVP als «nice to have» bezeichnend werde und i d e letschte Johr teilwiis massiv chürzt worde sind, selled als Gmeindufgabe definiert werde. Wil Strichige numme bi de freiwillige Leistige mögli sind, trifft di «zunehmend Sparwuet» bsunders d Musikschule, d Kulturförderig, d Gmeindbibliothek, de Sport, d Freiziitaagebot und betagti Iiwohnerinne und Iiwohner, so d Initiante. Gsichered werde selled d Biträg i dem bestimmti Prozent vo de Stüürerträg zwingend für bstimmti Leistige müend ufgwended werde.

D Initiante hend jetzt 12 Mönet Ziit, zum 1250 gültig Unterschrifte go sammle. Wenn si das schaffed, chönnd d Stimmbürgerinne und d Stimmbürger drüber abstimme, ob di vorgschlagene Artikel Iigang in d Gmeindordnig finded.