Wi de Andrea Bova, früsch gwählte Gmeindrot und Kandidat für de Gmeindamme uf Facebook mitteilt, tritt er us gsundheitliche Gründ als Gmeindrot zruck. Au d Kandidatur isch dodemit hinfällig.
Es isch en truurige Grund, us dem de Andrea Bova sin Rückzug us de Politik bekannt git. Er het en bösartige Dickdarmkrebs, wi er uf sinere Facebooksite schriibd. Us dem Grund wird er weder als Gmeindamme kandidiere, no sis Amt als Gmeindrot aaträte. Was das genau fürs Wahlprozedere bedütet, wird sich zeige.
Mir vo de Wettiger Nochrichte wünsched em Andrea Bova und sinere Familie in dere schwirige Situation viel Chraft und hoffed uf e volltändigi Genesig.