D Gmeindrots- und – ammewahle werded jetzt doch no interessant. Im Gegesatz zu de Wahle im 2016 und im 2017 het de Roland Kuster das mol en Gegekandidat.
D Vermuetig, dass de Andrea Bova vo de IG «attraktives Wettige» für de Gmeindrot chönnt kandidiere, esch i de letschte Woche und Mönet im politische Wettige öfter mol z verneh gsi. D Vermuetige händ sich bestätiged und de Maa, wo z Wettige es Treuhandbüro het und über d Diskussion um d Stüütfueserhöchig politisch zum erschte Mol aktiv worde esch, het gegenüber em Badener Tagblatt sini Kandidatur bekannt geh. Er kandidert bi de Wahle am 26. September 2021 ned numme für de Gmeindrot, sondern au als Gmeindamme.