Wanderin nach Sturz durch d REGA grettet

Es isch en Sturz gsi, wo de Heli-Iisatz vo de REGA am Samschtig, 29. Mai 2021 usglöst het. E 71-jährigi het mit de Rettigswinde müesse usgfloge werde.
De Notruf isch über d Sanitätsnotruefzentrale 144 vom Kanton Aargau innecho, schriibd d REGA innere Mediemittilig. E Wanderin isch 30 Meter ind Tüüfi gstürzt gsi. Im Steile, bewaldete Gebiet isch e Bergig numme per Helikopter und Rettigswinde mögli gsi. Dodefür het d REGA-Iisatzzentrale de Heli vo de Basis Basel ufbote.
Uf em Zwüschelandeplatz oberhalb vom Restaurant Höhtal z Ähredinge isch di mittelschwer verletzti Frau medizinisch erstversorgt worde. Danach isch si mit em Heli ins Spital gfloge worde.