Öppe vier Stund isch d Iiwohnerratssitzig vom 21. Oktober 2021 gange. Dann sind s Budget und s Reglement für de Usgliich vo Planigsvorteil verabschieded gsi.
Im Verglich zum Vorjahr isch d Budgetsitzig speditiv über d Bühni gange. Öppe Viertelabelfi het de Iiwohnerratspräsident Christina Pauli d Sitzig chönne beende, während bi dere fürs Budget 2021 scho d Strasselampe abgstellt si gsi. Gliichwohl het vil an d Budgetberatig vom letschte Jahr erinnere: D Kürzigsaaträg sind vornehmlich vo de SVP und de glp gstellt worde und hend im Rat kei Mehrheit gfunde. Im Gegesatz zum letschte Jahr het d Finanzkommission aber i dem Jahr kei Strichige, sondern numme e paar Korrekture beaatraid. De Aatrag vo de Fraktion SP/WettiGrüen uf e Stüürfuesserhöchig het nume bi de Fraktion EVP/Forum 5430 Unterstützig gfunde, während en ähnliche Aatrag im letschte Jahr au bi einzelne Bürgerliche Unterstützig gfunde het. D FInanzsituation esch aber ned besser, goht doch das verabschieded Budget voneme Defizit bim operative Ergäbnis vo 3’366’773 Franke us.
So sind sich au fascht alli einig gsi, dass es fürs Budget 2023 e Stüürerhöchig wird bruuche.