De Marco Baumann, Gschäftsführer vo de Tägi AG wird Director Marketing & Sponsoring vo de Swiss Ice Hockey Federation. S Tägi bruchd us dem Grund en noie Gschäftsführer.
Sit em 1. Jui 2018 isch de Marco Baumann Gschäftsführer vo de Tägi AG. Er het s Tägi durch verschidnigi wichtigi Phase gfüehrt, aagfange bim Ufbau vom Tägi zunere AG, bi de Sanierig vo de Aalag und au mit de Iischränkige dur d Coronapandemie sit em März 2020. Sis grosse Engagement und sini Idee fürs Tägi het me immer chönne gschpüre.
Uf de 1. Jänner 2022 isch de Marco Baumann zum Director Marketing & Sponsoring vo de Swiss Ice Hockey Federation ernannt worde und wird dodemit uf de oberschte Ebeni für de Schwiizer Iishockey-Sport schaffe und dodemit s Tägi verlah. D Stell vom Gschäftsführer vo de Tägi AG wird usgschribe.