Wi befürchtet, wirds Wettiger Fäscht au im 2021 ned stattfinde. D Entwicklig sig zu unsicher, schribd d Gmeind innere Mitteilig.
Nach wi vor het d Corona-Pandemie d Schwiiz, Europa und di ganz Wält im Griff. Lockerige erfolged numme langsam. Us dem Grund het de Vorstand vom Wettiger Fäscht entschiede, au i dem Johr s Fäscht abzsäge.
Es müessted in de nächschte Ziit Entscheid gefällt werde, wo finanzielli Folge hätted und ned chönnted refinanziert werde, wenn witerhin mit umfassende Schutzkonzept z rächne sig oder Grossaaläss witerhin verbote währed und s Fäscht dann churzfristig müessd abgsaid werde.
De Vorstand und de Gmeindrot beduured d Absag, schriibd d Gmeind.