Vor 10 Johr het d «Gnussrundi zum Fiirabe – numme für Manner» vo de Reformierte Chile Wettige-Noiehof zum erste Mal stattgfunde. Us ere spontane Idee isch en Erfolgsgschicht worde.
Vor öppe 11 Johr sind Vertreter vo verschidnige Altersgruppe vo de reformiirte Chilegmeind zämmegsesse und hend sich Gedanke zu ere Veraastaltig für Manner gmachd. Doderbi esch de Gnussrundi entstande. D Idee isch gsi, s Zämmesii z gnüsse, Evangelium z läbe, will ja au Jesus gern mit Lüt am Tisch gsesse isch, zum Ässe und Trinke.
In de erschte Johr het e Pfarrer Lutz Fischer-Lamprecht zwöimal im Winterhalbjahr zu ere Gnussrunde iiglade. Uf Initiative vom Reto Estermann und em Markus Haas isch dann au jährlich en Sommeraalass orgnisiert worde. So treffed sich di reformierte Manner meischt drümol im Johr. S bisherig Programm isch vilfältig gsi: Wy, Bier, Schoggi, Fondue, Raceltte, Fondue und alkoholfreie Gnuss het scho uf em Programm gschtande, Au ernschti Themene wi Demenzerkrankige und Pflegebedürftigkeit sind scho Thema gsi.
Zum Jubiläumsaalass am Mentig, 15. November 2021 hend sich 29 Manner troffe. Mit derbi au de Gmeindamme Roland Kuster, wo vom OK vom Aalass extra zum Jubiläumsapéro iiglade worde isch. Danach hend Manner no en Film glueged und aaschlüssend es feins Raclette chönne gnüsse.