![dji16080130182924130033302688670428.jpg](https://wettiger-nochrichte.ch/wp-content/uploads/2020/12/dji16080130182924130033302688670428-678x381.jpg)
D Werkleitig- und Strasseoberbausanierig a de Etzel-, Bernina-, Eiger- und Lägerestrass started am 18. Januar 2021. Los gohts mit de mit de Baustelleiirichtig.
D Sanierig, wo im Quartier bi de reformierte Chile und em Volg in mehrer Etappe umgsetzt wird, isch vor allem wegem Minichreisel in d Schlagziile cho. S handled sich aber um e ganz normali Werkleitig- und Strassesanierig, wi si z Wettige in de letschte Jahr an vilne Stelle realisierd worde isch.
Di meischte Iischränkige für de Vercher wirds geh, wenn d Chrüzig bim Volg (Knote Etzel-/Lägere-/Säntisstrass) und wenn d Etzelstrass zwüsche Lägere- und Berninastrass saniert wird.