Über ois und Dateschutz

Do findet ihr Informatione und Nochrichte über Wettige, de Stärn a de Limmig!
Kontaktiire chönd ihr ois über E-Mail (wettiger.nochrichte(at)gmail.com).

Poschtadresse:

Wettiger Nochrichte
Lägernstrasse 25
5430 Wettingen

De Fabian Schmid und de Lutz Fischer sind sit em 20. September 2015 d Co-Chef-Redaktore. Vom Juni bis Endi Dezember 2017 het au de Markus Haas zum Redaktionsteam ghört. Mit derbi sind au d Miriam Kirsch, d Seraina Kirsch und d Chloé Rosenberg. Aber au anderi Autore sind beteiliged und unter de ob gnennte E-Mail-Adresse werde gärn Artikel entgegegnoh. Si müend aber in Mundart gschriebe si.

De Lutz und de Fabi (v.l.n.r.)
De Lutz und de Fabi (v.l.n.r.)

Gärn stelled sich d Co-Chef-Redaktore persönlich vor:
De Fabian Schmid isch z Wettige ufgwachse und het dete di obligatorisch Schuel bsuechd. Er het aaschlüssend bi de BBC z Bade en Usbildig zum Elektro-Mechaniker gmachd und schafft hüt bi de ABB. Er schriibd gärn in Mundart, will es sini Muettersprooch isch.
De Lutz Fischer läbt sit em 2008 z Wettige. Er het Theologii gstudiirt und daderbi vili Sproche müesse lehre. Er isch Pfarrer und het vil mit Sprooch z due, gschribe und gred. Er isch überzügd, dass me e Sprooch, in dere me cha rede, au cha schriibe.

Ihr finded ois au uf Facebook, Twitter, YouTube und Instagram.

Dateschutz

Mir sammled so wenig personebezogene Date wi mögli. Im Einzelne isch es eso:

Iibetteti Inhalt vo anderne Website

Biträg uf oisere Website chönnd ibetteti Inhalt enthalte (z. B. YouTube-Videos, Twitter-Biträg, …). Di iibettete Inhalt verhalted sich so, wi we me di betreffendi Website würd bsueche. Di jewilig Website cha also Date vo dir sammle, Cookies bruuche oder Träcking-Dienscht vo andere iibette, wo dini Interaktione mit em entsprechene Inhalt ufzeichned, bsunders, wenn du uf denen Site es Konto hesch und uf dere Website iiglogd bisch.

Analysedienst

Zum Ermittle vo de Zuegriffszahle uf oiseri Biiträg, nutzed mit Jetpack. Mir chönnd so gseh, willi Artikel wi oft aaklickd worde sind, us welene Länder d Klicks chömmed und ob si über Facebook, Twitter, Suechmaschine oder anderi Kanäl zu ois cho sind. Mir gsehnd au, welli vo ois verlinkde Siite aaklickd werded. Ob Jetpack witeri Date erhebd, chönnd ihr do usefinde.

Medie

Wenn du en regischtriirte Benutzer bisch und Foteli uf oisere Website würdsch ufelade, setsch kei Föteli mit eme EXIF-GPS-Standort ufelade. Bsuecher vo oisere Website chönnd schuscht e Foti abelade und dini Standortinformatione usefinde.

Cookies

Wenn du es Konto hesch und dich uf dere Website aameldesch, setzt WordPress es temporärs Cookie, damit mir chönnd feschtstelle, ob di Browser Cookies duet akzeptiere. S Cookie spichered kei personenbezogeni Date und wird glöscht, wenn du din Browser schlüssisch.

Wenn du dich aameldsch, richted WordPress einigi Cookies ii, damit mir dini Aameldeinformatione und Aazeigeoptione chönnd spichere. Aamelde-Cookies verfalled nach zwöi Täg und Cookies für d Azeigeoptione nach eim Johr. Wenn du bi de Aameldig «Angemeldet bleiben» uswählsch, wird dini Aameldg zwöi Woche lang ufrechterhalte. Mit der Abmeldung aus deinem Konto werden die Anmelde-Cookies glöscht.

Wenn du bsunderi Befuegnis hesch, also en Artikel chasch bearbeite oder veröffentliche, wird es zuesätzlichs Cookie in dim Browser gspichered. Das Cookie enthält kei personenbezogeni Date und verwist numme uf d Bitrags-ID vom Artikel, den du grad bearbeitet hesch. S Cookie verfalld nach eim Tag.

Wi lang spichered WordPress dini Date?

Für Benutzer, wo sich uf oisere Website regischtriire, spichered mir zuesätzlich di persönliche Informatione, wo im Benutzerprofil aageh sind. Alli Benutzer chönnd jederzeit ihre persönliche Informatione gseh, verändere oder lösche (de Benutzername cha nöd gändered werde). Au d Adminischtratore vo de Website chönnd die Informatione gseh und allefalls ändere.

Kommentär

D Kommentarfunktion isch abgschalte.

Gits technischi Problem, wo dezue füehred, dass si gliichwohl funktioniird, dann spichered WordPress für ois d Date, wo im Kommentar-Formular aazeiged werde. Au d IP-Adresse vom Bsuecher und de User-Agent-String (damit wird de Browser identifiziert) werded gspichered. Damit chönnd mir d Erkennig vo Spam unterstütze.

Wenn du en Kommentar uf oisere Website würdsch schriebsch, isch das e Zuestimmig, din Name, d E-Mail-Adresse und d Website in Cookies z spichere. Das isch e Komfortfunktion, damit du, wenn du en witere Kommentar wotsch schriibe, nöd alli Date no einisch muesch iigeh. Di Cookies werded es Jahr lang gspichered.
Us dinere E-Mail-Adresse cha au en anonymisierti Zeichefolg erstellt (Hash) und em Gravatar-Dienst übergeh werde, um z prüefe, ob du di benutzisch. D Dateschutzerklärig vom Gravatar-Dienscht findesch do: https://automattic.com/privacy/. Wenn din Kommentar freigschalted isch, isch dis Profilbild öffentlich im Kontekscht vo dim Kommentar z gseh.

Wenn du en Kommentar schribsch, wird er inklusiv Metadate zitlich unbegrenzt gschpichered. So cha s Syschtem Folgekommentär automatisch erkenne und freigeh, statt si inere Moderations-Warteschlange festzhalte.