Meh wi 30 Iisätz in 24 Stund

De Winter het Wettige fäscht im Griff. D Füürwehr het sit em Donnschtig scho über 30 Mol usrücke müesse.
Nachdem de Schnee vom Tsischtig am Donnschtig am Morge fascht ewäg gsi isch, het es ab em Vormittag wider gschneit und bis hüt, Fritig, 15. Januar 2021 sind über 30 cm Schnee zämme cho. Das isch en Useforderig für di, wo hend müesse schnütze, aber au für d Füürwehr. Wi im ganze Aargau sind unzähligi Äscht abbroche, aber au Bäum umgstürzt und Strosse und au Trotoir hend vorübergehend müesse gsperrt werde.
So sind bi de Füürwehr über 30 Iisätz innerhalb vo numme 24 Stunde zämme cho.