Zum erschte Mol präsentiered d Schüler*innen mit em Schwerpunktfach «Bildnerisches Gestalten» vo de Kanti Wettige ihri Abschlussarbeite i de Galerie im Gluri Suter Huus. S Thema, wo alli Werch mitenand verbind isch «Wendepunkt».
Am Fritig, 9. und am Samschtig, 10. April cha me vo de Drü am Namittag bis um Sächsi am Abe und am Sunntig, 11. April 2021 vo de Elfi am Morge bis um Föifi in de Galerie im Gluri Suter Huus d Werch vo folgende Künstlerinne und Künstler go aaluege: Erik Leif Arteaga, Salome Anna Bachmann, Camille Bawidamann, Sarah Bhend, Aline Buchenberger, Viviane Clerc, Tara El Badrawy, David Matthias Emert, Aileen Eugster, Lynn Fauver, Kim Fischer, Aida Haric, Joana Hirt, Géraldine Kaufmann, Lisa Konetzny, Lea Maria Kotrle, Mara Asya Krauz, Dorottya Fanni Krnacs, Lorena Lou Messmer, Benjamin Opderbecke, Ria Patoli, Michelle Selina Sasson, Irene Schnellmann, Fabia Streiff, Lilly-May Stutz, Frauke Thoms, Tom Felix Tröndle, Narah Weder, Eric Werro, Sari Zehnder.
Mit drü Künstlerinne hend mir über ihres Werch gred und für oi au alli 30 Arbeite churz ins Bild gsetzt. Es lohnt sich uf jede Fall, d Usstellig selber aazluege.