D Iisebrugg, wo vo de Wettiger Site her zu de Holzbrugg füehrt, isch am Mittwoch, 3. Februar 2021 abtransportiert worde, wil si saniert wird. Miteme Pneukran isch si in Milimeterarbet useglüpft und uf en Spezialtransporter glade worde.
D Zueschauer hend müesse geduldig si und wetterfescht. Bi zitewiis strömendem Räge hend d Fachlüt vo de Spezialfirma ihri Arbet mitere Präzision usgführt, wo notwendig isch, um e settigi Milimeterarbet seriös chönne usführe. Für d Zueschauer het sich s Warte aber glohnt.
D Brugg wird jetzt dann inere Werkstatt zerlegd werde. Schadhafti Teili werded ustuschd, de Rost bekämpft und dann wird d Brugg wider zämmegsetzt. Nach em Abschluss vo de Arbeite chunnd di Issebrugg dann wider an ihre aagstammte Platz und ermögliched dann wider de Zuegang zur Holzbrugg über d Limmig.