De Brand im Schuelhuus Margeläcker isch geschter am Namittag usbroche. 3 Schülerinne bzw. Schüeler (SuS) hend ins Spital müesse. Au de Sachschade isch höch.
Föif Ambulanze sind im Iisatz gsi, schribe d Kantonspolizei in ihre Mediemitteilig. Im Werkruum isch während Holzarbeite Rauch us de Absaugaalag cho, wo sich schnell im ganze Schuelhuus verbreitet het. D Lehrer und d Schüeler hend schnell s Schuelhuus verlah, aber teilwiis Rauch iigatmet. D Ambulanze hend über 30 Betroffeni untersuechd und 3 Chind sicherheitshalber ins Spital brocht.
De Brand selber isch dur d Füürwehr schnell glöscht gsi, aber de Rauch het im Schuelhuus en grosse Schade hinterlah.