Nachdem es im erschte Aalauf ned chlapped het, het de amtierend Gmeindamme Roland Kuster in de zwöit Wahlgang müesse. Jetzt isch er aber dütlich gwählt worde.
Z erscht het me gmeind, im 2. Wahlgang vom 28. November 2021 gäbs en Zweikampf um s Amt vom Gmeindamme. De Andrea Bova isch dann aber us gsundheitliche Gründ vo sim Amt als Gmeindrat zruckträte und het dodemit au nüm Gmeindamme chönne werde. E blödi Situation au für de amtierend Amme, wo ned so recht het Wahlkampf chönne mache, aber uf em Papier glichwohl en Gegekandidat gha het. Dass der ned het chönne gwünne, aber het chönne gwählt werde, hets ned eifacher gmachd.
Schlussendlich het sich de Roland Kuster mit 3’840 Stimme bi 2’539 Stimme für sin Gegekandidat mit 1301 Stimme meh d Nase dütlich vore gha.