Am Donnschtig, 17. Juni 2021 isch es so wit. Dann goht mit de Linie 5 di erscht voll elektrifiziert Verbindig vo de RVBW in Betrieb.
Scho sit em 16. Dezember 2019 het d RVBW en elektrische Bus im Liniebetrieb. De Bus vo de schwedische Firma Scania isch sither uf de Linie 8 zwüsche Wettige und Noiehof unterwägs gsi, zu Teschtzwecke aber au uf de Linie 5, also de erschte Linie, wo ganz uf Strom umgstellt wird. Di noie Büs, wo am em 17. Juni 2021 zwüsche Ännetbade und de Baldegg werde unterwägs si, sind vom Schwiizer Hersteller Hess baud worde, während d Ladeinfrastruktur, s Aatriebssystem und Batterie vo de ABB chömmed. D Batteriemodul, wo z Bade gfertiged worde sind, chönnd d Bremsenergie zruckgwinne, so dass si bsunders effizient sind. Ladestatione stönd a de beide Endhaltestelle parat und im Busdepot chönnd d Batterie jewils über Nacht an vier Statione über en Ladestecker ufglade werde.