Stau wege brönnendem BMW

Screenshot Video bi 20min

Am Mentig, 27. Dezember 2021 am Namittag het es Auto uf de A1 brönnd. In de Folgt hets in beide Richtige Staus geh.

Uf de Autobahn vo Züri in Fahrtrichtig Bärn het gester öppe um Halbidrü en BMW aafange brönne. De Automobilist het zwüschem Fressbalke und de Usfahrt Wettige-Ost uf em Pannestreife aaghalte, und wie «20 Minute» brichtet, mit em Füürlöscher no welle lösche.

D Füürwehr isch dann usgrückt und natürli isch au d Polizei im Iisatz gsi. In beidi Richtige het das zu Staus gfüehrt. De Versuech de Stau z umfahre, het dann au in de Dörfer rund umme Uswirkige gha, am meischte z Würelos, wo es vo Oetwil her en lange Stau bilded het.