Im Verglich zu anderne Gmeinde sind d Schuele z Wettige lang vo grössere Corona-Usbrüch verschont blibe. De Schuelchreis Alteburg hets jetzt aber heftig verwütscht.
Immer wider hend in de letschte Mönet Schuelklasse müesse in Quarantäne. Besser worde, so het ois d Präsidenti vo de Schuelpfläg, d Judith Gähler mitteild, isch es mit de Maskepflicht. Sither sind in de Klassesstuefe, wo si gilt, numme no einzelni Fäll uftaucht.
Anderscht isch es jetzt im Alteburg. Dete sind grad sibe Klasse betroffe und müen in Quarantäne. Zudem wird hüt, 11. Mai 2021 en Massetest duregführt, zum Infektions-Chette chönne z bräche. Scho sit Aafang aa, heti d Schuel Wettige immer eng mit em kantonsärztliche Dienscht und em Contact-Tracing zämme gschaffed, so d Judith Gähler witer und d Massnahme würded immer de Vorgabe vom Kanton entspräche. Au de Schuelleitige winded si es Kränzli und betont, dass si sehr sorgsam mit de Pandemie-Situation würded umgah.