Uf em Lägeregrat isch am Sunntig, 3. Oktober 2021 e Frau gestürzt. Si het mit de Rettigswinde müesse grettet werde.
Immer wider emol chunnd es uf em Lägeregrat zu Unfäll, wo en Rettigsheli vo de Rega zum Iisatz chunnd. So isch es au geschter gsi, wi d Rega innere Mediemitteilig schriibd.
Öppe um Eis am Mittag isch d Rega über ihri Rettigsapp informiert worde, dass e Frau i de Nöchi vom Lägeresattel gstürzt sig und sich schwer am Fuess verletzt het. Si het nümm chönne witerlaufe, so dass d Rega-Crew vo Basel und en Bergretter vom SAC zum Iisatz cho sind. D Frau het so chönne mit de Rettigswinde evakuiert und in es Spital gfloge werde.