Alli Gmeindrät, wo vor vier Johr gwählt worde sind, träted am 26. September 2021 zum erschte Wahlgang aa. Si werded vo de SVP, de glp und eme Parteilose usegfordered.
Am Fritig, 13. August 2021 am Mittag esch d Aameldefrist für de erscht Wahlgang vom Gmeindrat und Amme und Vizeamme abgloffe. Wi scho aakünd, hend sich alli amtierende Gmeindrät für d Wahl aagmeld: De Roland Kuster (D Mitti) als Gmeindamme, de Markus Maibach (SP) als Vizeamme, dezue de Philippe Rey (parteilos), d Kirsten Ernst (SP), de Martin Egloff (FDP), de Sandro Sozzi (Di Mitti) und de Markus Haas (FDP).
Mit em Markus Bader (SVP-Iiwohnerrat), de Ruth Scheier (GLP-Iwohnerrätin) und em parteilose Andrea Bova wird d Wettiger Stimmbevölkerig chönne zeige, wi zfride si mit em amtierende Gmeindrat esch.
De Markus Bader kandidiert au als Vizeamme und de Andrea Bova als Gmeindamme.