D Herre vo Rotwyss hend am Sunntig, 13. Juni 2021 z Gämf d Schwiizermeisterschaft im Landhockey gwonne. D Dame sind Vizemeisterinne worde.
D Manner vom Hockeyclub Rotwyss Wettige hend im Final vo de NLA Masters nüd lah aabrenne. Scho de Halbfinal gege de HC Olte hend d Seriemeister am Samschtig z Gämf mit 5-2 für sich entschide. De Final gege s Heimteam vo Genève-Servette HC hend d Wettiger mit 4-1 gwonne und sich dodemit de nächschti Meistetitel gsichered.
Em Dame-Team, wo in dere Saison en grosse Umbruch erläbt het, het es «numme» zur Vizemeisterschaft glanged. Im Final hend si sich em HC Olte nacheme 1-1 erscht nach em Penaltyschüsse miteme 1-2 müesse gschlage geh. Dodefür het d Sophie de Lint en Uszeichnig übecho, wil si Torschützekönigin worde isch.
Beidne Teams gratuliered mir ganz härzlich! Hopp Rotwyss!!