De Andreas Bösch, sit em 2020 Gschäftsleiter vo de Schuel Wettige het sich entschide, sich brueflich noi z orientiere. Er het per 31. Juli 2021 künd.
Sit em 1. Jänner 2020 isch de Andreas Bösch Gschäftsleiter vo de Schuel Wettige gsi. Dur d Pandemie isch es e sehr aaspruchsvolli Zit gsi. Gliichwohl sig es ihm glunge, Schwerpünkt z setze und sich in de Zammenarbeit mit de Schuelleitige und mit Härzbluet für d beschtmögliche Lösige im Sinn vo de Gsamtschuel z engagiere, schribd d Gmeind inere Mediemitteilig.
D Schuelpfläg und de Gmeindrot beduured de Entscheid und letschtere het d Nochfolgeregelig scho an d Hand gnoh. Gmeinsam mit em Andreas Bösch und de Schuelpfläg wird d Übergab an en Nachfolgeri oder en Nachfolge sorgfältig vorbereited. Gmeindrot und Schuelpfläg danked im Andreas Bösch härzlich für sis grosse Engagement, heissts witer, sis offnigs Ohr und sini ruhigi Hand, mit der er d Gsamtschuel Wettige dur d Useforderig vo de Pandemie gfüehrt het.