Ganz vorbi isch s 2019 no ned. E paar Stund fähled no bis ins 2020. Mir wend aber scho Rückschau halte uf das, wo Wettige und ois vo de Wettiger Nochrichte im 2019 bschäftiged hed.
Januar:
– D Frima Obrist het vom Werkhof s Abfuhrwese übernoh.
– De noi Abt vo Wettige isch gweiht worde.
– Di erfolgrichschte Sportler sind geehrt worde.
– De Iiwohnerrot spricht 300’000 Franke fürs Jubiläumsfäscht
– D Karin Suter wird doppelti Schwiizermeischteri.
Februar:
– Rotwyss gwünnt zwöi Schwiizermeischtertitel.
– De Beck Frei rettet s «Bijou».
– A de Büntsross sind Szene für en Schwiizer Kinofilm dreht worde.
– De Toni Businger stirbt.
März:
– De Jlko Müller wird zum noie Leiter vo de Bau- und Planigsabteilig gwählt.
– D Wettigerinne und d Wettiger sind z fride mit ihre Gmeind.
– Wettige isch bi de Earth Hour debi gsi.
April:
– D Rechnig 2018 vo de Iiwohnergmeind schlüsst miteme Überschuss.
– Wettige isch parat für d Elektromobilität.
– D Sanierig vom Tägi wird fascht 5 Millione tüürer.
Mai:
– D Leinpflicht für Hünd isch in Chraft träte.
– D Dame vo Rotwyss günne de Schwiizercup.
– D Herre au!
– S Hirschgheg bim Mooshof isch ufgschnitte worde.
– De Kulturwäg Limmat het es nois Kunschtwerk übecho.
– D Ludothek isch 40i worde.
– Di unter Landstross cha saniert werde.
Juni:
– Für de Hochwasserschutz werded Rammmessige entlang de Alberich Zwyssigstross gmachd.
– Di reformiert Chile het Platz gschaffe für d Tagesstrukture vom Alteburg.
– Im Museum Eduard Spörri gits en Wächsel im Kuratorium.
– D Rothuusuhre sind i d Revision gange.
– En Wettiger Wy isch Aargauer Staatswy worde.
– D Wybaugnosseschaft het sich nach 68 Johr ufglöst.
– D Dame und Herre vo Rotwyss sind Schwiizermeischter worde.
Juli:
– S «tägi» isch zum «TÄGI» worde.
– De Jurj Jegge und d Loa Oldani si di schnälschte Wettiger worde.
– De SV Lägere isch Grossfäldcupsiiger im Handball worde.
– D Galerie im Gluri Suter Huus teild mit, dass d Sarah Merten uf de Ruedi Velhagen wird folge.
– D Waldbrandgfahr isch churz vor em 1. Auguscht uf d Stuefe 3 erhöht worde.
August:
– D Yvonne Feri wird vo de SP als Kandidati für d Regiirigsrotsersatzwahl nominierd.
– Für d «Atmosphäre» isch en «rollende Botschafter» iigweiht worde.
– D WeinStern Wettingen AG isch gründ worde.
– Für de Nationalrot kandidiered 35 Wettigerinne und Wettiger.
– Z Wettige hets kei Chlorothalonil im Trinkwasser.
– De noi Leiter vom St. Bernhard het sini Stell aaträte.
September:
– D Regionalpolizei Wettige-Limmattal teild mit, dass si witerhin mit de Stadtpolizei vo Ännetwettige wird kooperiere.
– En Wettiger Wy wird zum beschte Dütschschwiizer Rotwy kürt.
– D Rothuusuhre chömmed nach fascht 15 Woche us de Revision retour.
– Zum erschte Härbschtfäscht chömmed 600 Seniorinne und Seniore.
Oktober:
– De Iiwohnerrot het s Budget 2020 zruckgwise.
– De Bahnhof wird rauchfrei.
– Wettige het noi zwöi Nationalrötinne.
November:
– D Iisfälder im Tägi sind iigweiht worde.
– De Alain Schartner baut e Chügelibahn fürs Jubiläumsjohr.
– Oise Co-Redaktor wird Grossrot.
– D Nicole Meier Doka wird Schuelpflägeri.
– S Zeusle vomene Schüeler führt zueme Brand im Schuelhuus Lägere.
Dezember:
– «Ännetwettige» wird zum Wettiger «Wort vom Johr».
– De Iiwohnerrot gnehmiged s Budget 2020 miteme Stüürfuess vo 100%.
– De Christian Pauli wird zum Iiwohnerrotspräsident 2020/21 gwählt und dodemit zum höchschte Wettiger.
– De erscht Schwiizer eBus fahrt zwüsche Wettige und Noiehof.
– D Gmeind lancierd ihri noii Website.
– Nach fascht 3 Johr warte het de Werkhof de noi 4-Achser übercho.
– De Hermann und d Vreni Koch verabschieded sich vo ihre Kunde im Volg.
Oises „externs“ Highlight isch s Interview mit em Marco Jaggi für s Regionaljournal Aargau Soledurn gsi.