35 WettigerInne kandidiired für de Nationalrot

Am 20. Oktober 2019 entscheidet s Stimmvolk, welli Politikerinne und Politiker si z Bärn selled verträte. Im Aargau isch d Aazahl vo de Kandidiirende dütlich gschtige, z Wettige au.
We mir ois ned verzähld hend, sind es genau 35 Lüt us Wettige, wo uf 17 vo de 36 iigreichte Lischte z finde sind. Ein Grund für di Zuenahm a Kandidiirende, sind di viel Unterlischte, wo verschidnigi Partei iigreicht hend. So tritt zum Bischpil d SP mit 5 Lischte aa und d CVP grad mit 9.
Uf de Hauptlischte vo de 9 Grossratsparteie finded sich bi de FDP, de CVP, de Grüene und de EDU kei Wettiger, bi de glp und de EVP dafür grad je 3.
Uf Nebelischte sind Wettiger bsunders guet uf de SP-Lischte 60 + und queer*feministisch mit je 3 und uf de CVP-Regionallischte Bade-Zurzach mit 7 Persone verträte. D Lischte EVP+ bringds immerhin auf uf zwöi, wo zudem politisch sehr erfahre sind.

Mir hend lang gwerweisset, ob mit alli oder keine mit Name selled erwähne oder numme di vo de Hauptlischte, was aber gegenüber de FDP, de CVP und de Grüene vilicht unfair wer (wobi d FDP au uf de Lischte vom Jungfreisinn niemed us Wettige het). Au d Reihefolg isch es Problem: erscht alli Hauptlischte, dann d Unterlischte oder eifach nach Lischtenummere?

Mir hend ois dafür entschide, z erscht alli Kandidature uf de Hauptlischte vo de Grossratsparteie ufzführe, dann di vo ihre Jungpartei und danach di uf andere Haupt-Lischte. Für witeri Unterlischte verwiised mir uf d Kandidateportrait uf de Website vom Kanton Aargau.
Uf de Hauptlischte vo de Grossrotsparteie:
01a.14 Michaela Huser (SVP)
02a.01 Yvonne Feri (SP)
02a.10 Mia Gujer (SP)
06a.09 Orun Palit (glp)
06a.11 Ruth Jo. Scheier (glp)
06a.15 Manuela Ernst (glp)
07a.15 Roland Meier (BDP)
08a. Lilian Studer (EVP)
08a.10 Lutz Fischer-Lamprecht (EVP)
08a.13 Helen Suter (EVP)
Jungparteie:
01b.07 Robin Rast (SVP)
02b.11 Flavia Brogle
06b.11 Thora Scheier
Uf de Hauptlischte vo andere Gruppiirige:
13.04 Matthias Zeller (Luzi Stamm)
13.05 Georg Mattenberger (Luzi Stamm)
13.07 André Treier (Luzi Stamm)