Am 1. Dezember 1999 hend de Hermann und d Vreni Koch mit em Volg a de Lägerestross gschtarted. Hüt an Sylvester verabschieded si sich vo ihrne Kunde.
Genau 20 Johr und ein Monet sind Kochs mit ihrem Volg-Lade nöch bi de Lüt im Quartier gsi. Jetzt gönd di beide in de wohlverdient Ruhestand. Wi wichtig de Lade fürs Quartier isch, gseht me a de viele Kunde, wo hüt vorbi lueged um Adieu z säge.
D Erlichterig bi de Kunde isch gross, dass d Landi Furt- und Limmattal ab em 3. Januar 2020 de Lade wird witer führe, dann mit längere Öffnigsziite. Sorge sind ehnder z verneh im Blick uf de Vercher wege de Poschtagentur, wo am 20. Januar 2020 wird starte. We me gseht, wi viel Autovercher es vor de Poscht a de Seminarstross git, dann schint di Sorg ned unbegründet.
Mir vo de Wettiger Nochrichte werded d Entwicklig im Aug bhalte und bi Bedarf drüber brichte.