Wettige fiired im ganze 2020 s 975-Jahr-Jubiläum. Hüt isch de Startschuss gsi.
Sechtlich Froid am Start vom Jubiläumsjohr het de Gmeindamme Roland Kuster bim Neujohrsapéro gha, aber au d Lüt, wo cho send, um mitenand ufs neue Johr aazstosse. D Jubiläumsfahne, wo sit hüt uf em Rathuus weeht, esch inere chlinere Version im Fäschtzält vor de St. Anton-Chele ufezoge worde.
Fäschtredner isch de Künstler Cesco Peter gsi, wo i sinere churzwiilige und ned allzulange Red de Blick 1010 Johr zrugg und 1010 id Zuekunft gerichted hed. Im Johr 1010 isch tüüfschtes Mittelalter gsi und wi es im 3030 seg ned würkli voruszsäge. Aber er luegi zueversichtlich in d Zuekunft. Das mached wohl au di meischte vo dene, wo si do gsi.