Wettige isch parat für d Elektromobilität

De Gmeindrot het e chlini Aafrog vom EVP-Iiwohnerrot Lutz Fischer-Lamprecht beantworted. Si zeiged, dass Wettige parat isch.

De Aateil vo de Elektrofahrzüg isch schwirig voruszsäge. Ufgrund vo Studie goht me vo 45 bis 70% us. In sim Rächebispiil goht de Gmeindrot vo 8000 Elektrofahrzüg und ere tägliche Fahrleischtig vo 50 km us. Das würdi, biemene glichblibende Stromverbruuch für alli anderi Grät und Irichtige, e Zuenahm vo 25 % bedüte.

Witer schriibd de Gmeindrot, dass im Verteilnetz immer Reserve iipland siged. D Transformatoreleischtig sig z Wettige bi 47‘760 kVA, während d Leistigsschpitze bi öppe 16‘000 kVA lige. D Kapazität für d Elektromobilität sind also umme. Zudem werded bi Leitigssaniirige immer gnueg Leerrohr verlegd, so dass notfalls eifach witeri Stromkabel chönnd iizoge werde. Allefalls Zueleitige zu einzelne Liegeschaft müessted ustuuscht werde, wofür aber d Huuseigetümer müessted ufcho.

Wettige isch also parat für d Elektromobilität.