WeinStern Wettingen AG isch gründ worde

Am Mittwoch, 21. Auguscht 2019 isch im Rothuussaal es Start Up gründ worde. Mit 333 Volksaktionär, 16 Wybuure und 2 Unternehmer isch es de gröscht Wyproduzent z Wettige.

De Ufmarsch vo de Aktionär isch riesig gsi. Di meischt vo de 333 Volksaktionär si vermuetlech umme gsi, wo de noi Verwaltigsrotspräsident di Aawesende begrüsst het. Nach ere Präsentation vo de noie Firma, wo ned als Nochfolgeri vo de ufglöste Wybaugnosseschaft z verstoh isch, de Vorstellig vo de Gschäftsleitig und de Verwaltigsrot, isch au s noi Logo präsentiird worde. We isch es W mit eme Stärn rächts obe und passd perfekt zum Name vo de noie Aktiegsellschaft. Im Aaschluss a d Versammlig, bi dere au de Gmeindamme Roland Kuster und de Landwirtschaftsdirektor vom Kanton Aargau, Regiirigsrot Markus Dieth isch aawesend gsi, sind Aktionär zumene Apéro iiglade gsi und hend uf ihri noii Firma chönne aastosse.

Mir sind mit de Videokamera debi gsi und werded irgendwann i de nächschte Täg es Filmli vom Aalass ufschalte.