Um bi eme Johrhunderthochwasser gschützt z si, muess de Dorfbach hochwassertauglich werde. Dodefür werded Rammmessige entlang de Alberich Zwyssigstross duregführt.
Zur Zit isch en Equipe vo de Firma Jäckli Geologie an verschidnige Stelle z Wettige am Messige mache. E Metallstange, wo mit 45 kg beschwert isch, wird in de Bode grammt. So cha me feschtstelle, wi de Untergrund beschaffe isch, hend mir imene Gschpröch mit de Arbeiter erfahre. Wo mir si vor de Raiffeisebank aatroffe hend, sind si grad in 9 Meter Tüfi gsi.
En Aafrog bi de für de Tüüfbau zueständig Gmeindrötin Kirsten Ernst het ergeh, dass es numme um Abklärige goht und nöchers z erfahre si wird, wenn e konkreti Vorlage für de Iiwohnerrot vorligd.