Kurz vor em 1. Augschte, wo vili Brötle, Füürwerk ablönd oder schuscht mit Füür hantiire, isch es guet en Blick uf d Gfahrecharte z werfe. Für Waldbränd gilt im gsamte Aargau d Gfahrestuef 3.
Im 2018 isch es Mitti Juli gsi, wo d Waldbrandgfahr vo de Stuefe 2 uf 3 erhöht worde isch. I dem Johr isch si scho sit em 29. Juni uf dere Stuefe.
De Kanton machd inere Mitteiig druf ufmerksam, dass 90% vo allne Waldbränd ufgrund vo mönschlichem Fehlverhalte usbräched. Numme 10% entstöhnd durch d Natur, also zum Bischpil durch Blitzschlag.
Bsunderi Massnahme und Verbot het de Kanton bisher nöd erlah, aber d grundsätzliche Vorsichtsmassnahme sind dringend iizhalte. U. a. heisst das, es Lagerfüür dörf me nöd unbeufsichtiged lah und es muess immer ganz abglöschd si, bevor me de Lagerplatz verlahd.
Details zu de Verhaltensregle finded ihr hiir: https://www.ag.ch/de/dgs/militaerbevoelkerungsschutz/bevoelkerungsschutz/verhaltensempfehlungen/trockenheit___waldbrandgefahr/departement_detailseite_146.jsp