Nach em Abgang vom Ruedi Velhagen het d Gmeind d Stell vo de Leitig vo de Galerie im Gluri Suter Huus (GSH) usgschribe. Jetzt isch entschide, wer si übechunnd: d Kunschthistorikeri Sarah Merten.
D Sarah Merten, wo im Herbscht als Leiteri vo de Gmeindgalerie GSH wird aaträte, isch im 1984 z Züri uf d Wält cho. Si zeichne sich durch es usgwognigs Verhältnis vo akademische Forschigsarbet und praktische Erfahrig in Kunschtgalerie und Musee us.
Nebe Kunschtgschicht vo Mittelalter und Noiziit het si im Nebefach Allgemeini Gschicht und Pädagogik gschtudiird. D Lizenziatsarbet het si zum Thema „Unabhängige Kunsträume?“ gschribe.
D Sarah Merten arbeitet nebeher anere Dissertation a de HGB Leipzig „zur Funktion von Ausstellungstexten“.
S Interesse vo de Sarah Merten in Bezug ufs GSH ligd für das regional verankerti Usstelligshuus es Programm z gschtalte, wo sich kulturpolitisch wie sozial-geografisch iibettet, aber über de lokal Horizont usewiist. Nebe de Leitig vom GSH wird d Sarah Merten au Iisitz i de Kulturkommission vo de Gmeind neh und wird mit de Pfläg vo de Kunschtsammlig vo de Gmeind betraut, wo über 1‘050 Kunschtwerk umfassed.