Rotwyss het am Wochenänd zwöi Schwiizermeischterschafte gunne!

D Dame und Herre vo Rotwiis sind Schwiizermeischter 2019 i de Halle (Foti:Alfred Wälti)

Am Samschtig, 2. und Sunntig, 3. Februar 2019 sind im Tägi d Finalspil vom disjährige Hallemaster gsi. Sowohl d Dame wie au d Herre sind Schwiizermeischter worde.
Nach em 10-0 gege de Basler HC (BHC) im Halbfinal, het di erscht Damemannschaft au im Final mit de Gegnerinne kurze Prozess gmachd. Mit eme 8-0 gege de Lozärner SC (LSC) hend si sich im Tägi d Schwiizermsichterschaft 2019 im Hallehockey gsichered.
D Herremannschaft, wo im Aaschluss a de Damefinal ebefalls gege de LSC um d Schwiizermeischterschaft gspild het, het bis zum Schluss müesse zitere. Scho de Halbfinal, au der wi bi de Dame gege de BHC, isch mit eme 4-2 ned eso souverän gsi, wi der vo de Dame, aber en solide Siig. Im Final am SUnntig isch es dann bis zum Shcluss spannend blibe und de Usgang vom Match ned vorherzgseh. Nacheme 2-2 i de reguläre Spilziit isch es zueme Penaltyschüsse cho. Mit 5-4 hend sich d Wettiger knapp chönne duresetze und zämme mit em Dame-Team und em ganze Verei de Doppelsiig fiire.

Au vo ois en härzliche Glückwunsch!