Sit em 2017 isch de Ronald Rickenbacher Kommandant vo de Zivilschutzorganisation (ZSO) Wettige-Limmattal gsi. Ändi März 2021 goht di Ära z Änd.
Nach öppe 4 Johr vonere Ära z schriibe, isch ehnder ungwöhnlich, aber de Roland Rickenbacher het sis Amt bi de ZSO mit viel Elan aaträte und het immer au de Kontakt zur Bevölkerig gsuecht. Au grossi Projäkt het er aapackt, wi di gross, mehrtägigi Üebig im Oktober 2018, wo es 300-jährigs Niderschlagsereignis simuliert het.
Jetzt het de Regierungsrot vom Kanton Nidwalde de Ronald
Rickenbacher per 1. April 2021 zum Vorsteher vom Amt für
Militär und Zivilschutz gwählt, so dass de 35-jährig sis Kommando per März 2021 wird abgeh.
D Gmeind Wettige schriibd zu sim Abgang inere Mediemitteilig, dass in sinere Amtsziit als Kommandant vo de ZSO Wettige -Limmattal d Reorganisation zu de Erhöchig vo de Iisatzbereitschaft ebeso aapackt worde ischwi d konzentration vom Zivilschutzkommandi im Füürwehrmagazin. Zudem hend mit ere Straffig vo de Organsiation und de Usbildigsprozess d Choschte chönne gsenkt werde. Zur Ziit isch de Rickenbacher au de operativ Leiter vo de ZSO und als Stabschef vom Krisestab vo de Gmeind Wettige direkt mit de Bewältigung vo de Covid-19-Pandemie konfrontiert, schribt d Gmeind.