Sit em 2016 chömmed immer wider Gastpredigerinne und Gastprediger uf Wettige. Am 11. Oktober 2026 wird das de amtierend Grossratspräsident Urs Plüss si.
Nach sinere Wahl zum Grossratspräsident im Januar het de Urs Plüss gegenüber chmedia en gheime Wunsch güssered: Er würdi gern emol von ere Kanzle e Predigt halte und er hoffi, dass sich vilicht emol en Pfarrer seiner erbarmi und ihm an eme Sunntig d Kanzle würd überlah. Am Sonntig, 11. Oktober isch es so wit. Nach de Kafi Freitag, em Reda El-Arbi, de Susanne Hochuli, de Regula Stämpfli, em Beat Schlatter und em Ludwig Hasler wird de Urs Plüss der siebti si, dem de Pfarrer Lutz Fischer an eme Sunntigmorge d Kanzle wird überlah.
De Urs Plüss stellt sini Predigt unter s Motto «Gott, mir müend rede. Mit Gott im Parlament oder wenn de Samariter, de Wybuur und de Hirt politisiered.» Die Liturgie gstaltet de Pfarrer Lutz Fischer. Im Aaschluss an de Gottesdienst, wo um 10i in de reformierte Chile Wettige dued aafah, sind alli Gottesdienstbsucherinne und -bsuecher zueme Apéro iiglade.