D Müetter- und Väterberotig (MVB) het d Berotigsgschpröch bisher im Aabau vo de reformierte Chile duregführt. Jetzt zügled si an d Landstross 55, wo au d Gschäftsstell vo de wege MVB unterbrochd isch.
Es sig en Ära, wo z Änd goht, het Daniela Schärer gmeint, wo mir si vor em Hinteriigang vo de reformierte Chile für de Fotitermin troffe hend. Sit em 2013 isch si z Wettige für för Berotige zueständig. Niemed chönnd sich genau erinnere, sit wenn d Müetter- und Vätereberotig in de Rüüm vo de Chile unterbrochd isch, het si gmeind.
De einzig Hiwiis wo d Chilegmeind het, lifered de Pfarrer Stefan Burkhard. Er het hüür sis 30-jährig Dienschtjubiläum und wo er sini Stell aaträte het, isch d MVB scho do gsi. Genauer usefinde het weder d Chilegmeind no de MVB das chönne, au wil d MVB d Rüüm immer gratis het dörfe bruuche, so dass es kei Abrechnige über de Mietzins git.
Zügle duet d MVB, wil si d Öffnigszit hend welle usbaue, was am bisherige Standort ned mögli isch, wil d Rüüm au vo andere Gruppierige bruuchd werde. Und so goht ebe würkli en Ära z Änd, bi der junigi Müettere in d Berotig chömmed, vo dene zum Teil scho d Müettere am glichen Ort um Rot gfrogt hend.