Scho zum nünte Mal wird Wettige im Winter zum Schaufaischter für s vellsitige Kunstschaffe us de Region: D «Kunst Schau 5430» laded Autodidaktinne und Autodidakte, Hobby- und Profi-Künstlerinne und -Künstler, Fotografeinne und Fotografe und Bildhauer und Künstlergruppe ii, ihri aktuelle Wärk z zeige. D Anmeldefrist lauft bis zum 9. November 2026.
D «Kunst Schau 5430» bietet auch bi de neuschte Usgab e breiti Plattform für ganz unterschiedlichi Usdrucksforme, gliich ob Malerei, Fotografii oder plastischi Wärk. S Bsondere an de Usstellig isch de unkomplizierti Ustausch zwüsche etablierte Kunstschaffende und passionierte Autodidakte us de Region.
Präsentiert wärded d Wärk an zwei bekannte Ort z Wettige: im Gluri Suter Huus (GSH) und im Alterszentrum St. Bernhard. D Usstellig started am Sunntig, 13. Dezember 2026 um Elfi mit de Vernissage und laufd bis am 10. Januar 2027.
D Rüüm im Alterszentrum St. Bernhard sind au über d Fiirtige durgehend zuegänglich, s Gluri Suter Huus machd vom 24. Dezember 2026 bis und mit 2. Januar 2027 e churzi Pause. Regulär isch d Usstellig jeweils vo Mittwoch bis Samschtig Vom Drü am Namittag bis um Sächsi am Abig und jewils am Sunntig vom Elfi am Vormittag bi um Foifi am Namittag offe.
Interessierti Künstlerinnen und Künstler, Fotografinne, Bildhauer und Gruppe chönned sich ab sofort und bis spöteschtens Mentig, 9. November 2026 per Mail bi kultur@wettingen.ch amelde.