Die letscht Sitzig vom Iiwohnerrot esch kurzfristig verschobe worde. Alli planti Themene werdet am 12. November 2020 im Tägisaal verhandled.
Über d Strossebelüchtig, wo sit dem Johr jedi Nacht vom 1 bis um 4i glöscht wird, hend mir scho vor de letschte Sitzig vom Iiwohnerrot brichted. S Thema und d Vorstöss dezue werded ebe erscht jetzt verhandled.
Veel Diskussion dörfs au übers Budget geh. De Aatrag vo de Finanzkommission zue de Erhöchig vom Stüürfuess und de Fraktionsbricht zu de abgseite Oktobersitzig zeiged, dass de Gschpröchsbedarf höch esch. Damit d Gmeind aafangs 2021 ned ohni gültigs Budget dostood, esch es entscheidend, dass am Donnschtig s Budget verabschieded werd, mit wellem Stüürfuess und welne genau Budgetposte au immer. D Volksabstinmig söll am 20. Dezember stattfinde. Bi witere Verzögerige cha de Termin ned iighalte werde.