Ab em noie Johr cha me d Parkgebühr au digital mit em Smartphone zahle. Au Dauerparkkarte lönd sich ohni Wäg ins Rothuus beziehe.
Z Wettige gits öppe 50 Parkuhre uf öffentlichem Grund, schriibd d Gmeind innere Mediemitteilig. Di meischte sind im Zäntrum und diened de Bewirtschaftig vo Kurzzitparkplätz. Bisher muess me d Parkgebühr mit Münz zahle. Bis ends Johr rüstet d Gmein alli Parkuhre um, damit me per
Twin oder mir einere vo de Parkier-Apps vo Parkingpay oder EasyPark cha zahle.
Au bi de Duurparkcharte wird es Verbesserige geh. Bisher het me si bi de Gmeind persönlich am Schalter müesse beziehe, noi cha d Rächnig im gwünschte Monatsturnus hei gschickt werde und me cha vo dihei us zahle. D Kontrolle erfolgt in Zuekunft digital, so dass d Pakrkartew nüm im Auto müend platziert werde. Au do isch de Start uf aafangs 2021 planed.