Sit em 1995 veraastaltet d Gmeind zämme mit argovia philharmonics es Noijohrskonzert. Im 2021 finded es definitiv ned statt!
Es isch ned de erschti Alass und wird au ned de letscht si, wo wegem Corona-Virus ned cha stattfinde. S Konzert, wo in de Kulturlandschaft vom Kanton Aargau en feschte Stellewert het, wi d Gmeind inere Mediemitteilig schribd, wird im 2021 ned stattfinde.
Bi allne Vorkehrige und de Iihaltig vo de Schutzmassnahme blibi d Organisation und d Durchfüehrig vo so viel Unbekannte und dodemit au finanzielle Risike belastet, so d Gmeind, dass e Durchführig ned sinnvoll isch. Witer schriibd de Gmeindrat, dass er uf e Fortsetzig vo de Konzerttradition im 2022 hoffi.