De Goran Bencun het vor zwöiehalb Johr de traditionsriichi Fotilade a de Seminarstross übernoh und in es Studio umgwandled. Uf Ändi November wirds gschlosse.
Per Mail und mitere Videonochricht het de Goran Bencun d Schlüssig vom Fotostudio 5430 bekannt geh. Grund isch d Coronakrise, wo sini Hauptiinahmequelle, s Fötele vo Events, uströchned het.
Im 2018 isch er fulminat gstarted und het im Mai 2019 s einjährig gross chönne fiire. So isch er und sin Lade schnell z Wettige bekannt worde. Unvergesslich für ois isch au d Zammenarbet für d Dokumentation vom Läbe mit Corona, wo mir verschidnige Läde a de Landstross hend chönne bsueche und di fertig Broschüre au em Gmeindamme hend chönne überreiche.
Em Goran wünsche mir für sini Zuekunft alles Gueti!