Am 18. Oktober 2020 isch de Grossi Rot vom Kanton Aargau für di noi Legislatur gwählt worde. Wettige het witerhin sibe Grossröt, aber d Partei wechsled in eim Fall.
Dass d Wettiger Delegation in de noie Legislatur ned di glich wird si wi in de laufende, isch scho vor de Wahle klar gsi. D Antoinette Eckert het nämli nüm kandidiert. Nebe de Frog, ob di andere sächs Bisherige wider gwählt werde, isch au d Frog vo Interesse gsi, ob allefalls anderi Kandidierendi us Wettige gwählt werde und wi vil. Chance uf en Sitz hend sich einigi chönne usrächne.
Zum Schluss isch es so usecho, dass di sächs Bisherige bestätiged worde sind, da drunter d Michaela Huser mit de höchschte Stimmezahl im ganze Kanton. D Manuela Ernst (glp) het mit ihrem Sitzgwinn defür gsorged, dass d Wettiger Grossrotsdelegation witerhin sibe Persone umfasst.
| Name (Partei) | Stimme z Wettige | Gsamtstimme im Bezirk |
| Michaela Huser (SVP) | 1’662 | 10’033 |
| Daniel Notter (SVP) | 1’275 | 8’153 |
| Lea Schmidmeister (SP) | 1’394 | 7’085 |
| Alain Burger (SP) | 1’456 | 6’500 |
| Roland Kuster (CVP-Die Mitte) | 1’162 | 5’726 |
| Manuela Ernst (glp) | 1’020 | 5’652 |
| Lutz Fischer-Lamprecht (EVP) | 806 | 2’807 |
v.l.n.r. u.v.o.n.u.: Michaela Huser, Lutz Fischer-Lamprecht, Lea Schmidmeister, Roland Kuster, Daniel Notter und Alain Burger