Zitdokument em Gmeindamme überreichd

Am Mentig, 15. Juni 2020 het de Goran Bencun und de Lutz Fischer em Gmeindamme Roland Kuster es Magazin überreichd. Es isch e Dokumentation über d Coronakrise.
Mit de Lockerige vo de Massnahme hend vili Läde wider dörfe öffne. Vorussetzig sind Schutzkonzept gsi, wo hüfig dezu gführd hend, dass d Verchäuferinne und Verchäufer Schutzmaske müend träge. De Goran Bencun vom Fotostudio5430 het d Idee gha, settigi Lüt z fotografiere und so zum eine Uswirkige vo de Coronakrise z dokumentiere und zum andere de Firmene e Werbeplatzform z biete. Im Kooperation mit ois vo de Wettiger Nochrichte het er das Projekt aapackt und inere erschte Rund 15 Läde bsuechd. S Ergäbnis laht sich la gseh und isch geschter em Gmeindamme Roland Kuster überreichd worde. Au di beteiligde Firmene werded es Exemplar übecho.
Zuedem bietet de Goran Bencun witere Firmene d Möglichkeit, sich z beteilige. Wer wot mitmache, cha sich bi ihm melde. S Magazin isch au online.