Am 18. Oktober 2020 wird de Grossi Rat vom Kanton Aargau gwählt. Au vili Wettiger kandidiered.
Morn, Sonntig, isch vom 9i bis um 10i d Urne im Rothuus, danach werded d Stimme uszählt und am spätere Namittag wird klar si, wer wider oder noi im Kantonsparlament wird politisiere.
Mir vo de Wettiger Nochrichte interessiered ois bsunders für d Frog, wi viel Wettigerinne und Wettiger im Grosse Rot werded veträte di. Bis Ändi Johr sind es 7, nämli D Michaela Huser, de Daniel Notter (beidi SVP), d Antoinette Eckert (FDP), de Roland Kuster (CVP), de Lutz Fischer-Lamprecht (EVP), de Alain Burger und d Lea Schmidmeister (beidi SP). Abgseh vo de Antoinette Eckert treted alli wider aa. Ob alli bisherige ihre Sitz chönnd verteidige, wird sich morn wise, es kandidiered aber uf jede Fall so vili Wettiger, dass Chance uf e namhaft Delegation im Grosse Rot intakt isch.