D Gränze zwüsche Ännetwettige und Wettige sind ned numme für Uswärtigi ned ganz eifach. De Regiirigsrat wot das jetzt ändere.
D Lägerestross z Ännetwettige isch numme eis Bispiel wo zeiged, wi schwirig es a de Gränze zwüsche Ännetwettige und Wettige isch. Chunnd me vo de Hochbrugg, chunnd sie nach de Wettige Ortstafle uf de linke Site, chund me vom «Markusplatz» her Richtig Hochbrugg, isch si erscht nach de Ortstafle. Zudem gits au z Wettige e Lägerestross, was es ned eifacher machd.
De Regierigsrot, wo mit de ehemolige Ammanne vo Ännetwettige und Wettige, em Stephan Attiger und em Markus Dieth, mit de Verhältnis guet vertraut isch, het jetzt entschiede, das Problem a de Wurzle aazgoh. S Quartier Bade-Ost, mit em Landvogteischloss, de Sportaalag i de Aue und s Regionale Pflegezentrum (RPB) würd Wettige wichtigi Infrastruktur becho. D Stadt Ännetwettige wot s RPB für 1 Stutz an Wettige geh, also 15 Millione Franke Aktiekapital verschenke, Wettige muess aber, zum de Konkurs vom RPB abwende, witeri 15 Millione Aktiekapital inneschüsse. D Parzelle vo de Kantonsschuel wird bi Ännetwettige bliibe und dodemit en Exklave uf Wettiger Bode bilde, wil de Regierigsrot d Meinig vertritt, dass es numme im Kantonshauport zwöi Kantonschuele set geh.