De Jahresabschluss vo de Gmeind Wettige schlüsst mit tüüfrote Zahle. S Problem isch, dass d Ursache alli ned vom Gmeinrot oder em Iiwohnerrot z stüüre sind.
Trotz em dütlich negative Abschluss vo de Jahresrechnig gibt es positive Entwicklige: D beiiflussbare Personbal- und Sachufwänd sind uf em Niveau, wi si budgetiert si gsi. Dütlichi Verbesserige gegenüber em Budget gits bsunders bi de Sozialhilf und de Regionalpolizei.
Zuungunste vo de Johresrechnig hend sich d Pflegefinanzierig entwickled, wo gegenüber em Budget 2025 1.53 Millione Mehufwand bruuchd het, d Sonderschuelig, Heim und Werkstätte mit 1.3 Millione Mehchöschte und d Stüüriinahme, wo 3.8 Millione unterm Budget liged.
Us em ursprünglich usglichene Budget ergit sich so en Ufwandsüberschuss vo 6.42 Millione Franke und dodemit de dritt negativ Rechnigsabschluss in drü Johr. S mittelfristig Huushaltsgliichgwicht, wo vom Kanton gfordered wird, isch akut gfährdet. Di finanzielli Situation ve de Gmeind spitzt sich dodemit witer zue und de Gmeindrot betond, dass e Stüürerhöchig für 2027 unumgänglich sig.
In de Mediemitteilig schribd de Gmeindrot, dass de Kreditaatrag zu de Schuellandschaft Margeläcker, wo im Juni vors Volk chunnd, numme en marginale Iifluss uf d Erfolgsrechnig (Budget) vo de nächschte zwöi bis drü Johr heig.